სტამბული ფინჯან ყავაზე და ფახლავაზე
სტამბული საერთოდ არ ამომდის თავიდან. ვიღვიძებ, და წარმოვიდგენ რომ ბოსფორს ვხედავ ჩემი აივნდიან, ვუღიმი მას და ენერგიით ვივსები. სამსახურში მივდივარ და გზადაგზა საყვარელ თურქულ სიმღერებს ვუსმენ და ფიქრებით სტამბულის ქუჩებში დავსეირნობ, ჩემს ადრე გალათას კოშკთან ნაქირავებ ბინიდან გამოვდივარ, ალი ჰოჯას ქუჩას ჩავუყვები, გავივლი ლულეჯი ჰენდეკს, გავყვები მეჯლისიმებუსანს და ბოლოს მივალ ფინდიკლიზე და იქვე ბოსფორის ნაპირთან ახლოს სკამზე ჩამოვჯდები და მივირთმევ ყველიან სიმითს ჩაისთან ერთად.
ჯერ ადრეა, სასიამოვნო სიო უბერავს, თვალებს ვხუჭავ და ვუსმენ სტამბულს. ორჰან ველი, დიდი თურქი პოეტი, ხომ ხშირად ამბობდა რომ მხოლოდ სტამბულის ნახვა საკმარისი არ არის, მას უნდა უსმინო კიდეც…
სამსახურის დროს ყველაფერი იცვლება ასევე ჩემს გონებაშიც, მშვიდი სტამბული ტოვებს სცენას და სიცოცხლით სავსე ქალაქი მიდგება თვალწინ, გადაჭედილი ბოსფორის ხიდი, ხმაურიანი ბორანები და თოლიები ბოსფორზე, გაზეთის გამყიდველები, ქუჩაში მუდამ მოსიარულე ადამიანები.
საღამოს კი ისევ სტამბულის ქუჩებში ვარ, დავხეტიალობ, ადამიანებს ვაკვირდები, შენობებს ვათვალიერებ, ისტიკლალის ქუჩის რომელიმე შესახვევში შემთხვევით აღმოჩენილ კაფე-ბარში ვსხდები და ერთ კათხა ლუდს ვაგემოვნებ, თან მუსიკას ვუსმენ, ვდუნდები, ვტკბები ცხოვრებით. სახლში კი ფეხით ვბრუნდები, სტამბულის ჰაერს ღრმად ვისუნთქავ და ისევ და ისევ ვუსმენ სტამბულს.
არ ვაპირებდი სტამბულზე პოსტის დაწერას მაგრამ არ შემეძლო სხვანაირად. ძალიან ძალიან დიდი მადლობა მინდა გადავუხადო ეხლახან აღმოჩენილ კეჟერაძის ბლოგს (ნამდვილი ოქრის საბადოს აღმოჩენაა ჩემთვის) და კონკრეტულად კი მის ზამთრის ბოლი მოგზაურობების პოსტს, რომელმაც არაჩვეულევრივი ახალგაზრდა აზერბაიჯანელი მწერალი ელჩინ საფარლი გამაცნო. ეს პოსტი მისი “ბოსფორის ტკბილი მარილი”-‘ს ზემოქმედების ქვეშ ფინჯან ყავაზე და ფახლავაზე დაიწერა.
ეხლა კი დავუბრუნდები წიგნს სტამბულზე და გავაგრძელებ “სულების ქალაქში” მოგზაურობას, როგორც მას ელჩინი უწოდებს.
ძალიან კარგი ბლოგია ლიტერატურომანებისთვის კეჟერაძის ბლოგი, მოლი ბლუმთანაც შეიარე მოგეწონება.
პოსტი კი ნამდვილად ისეთია სტამბოლის ქუჩებში ხეტიალს და მისით ტკბობას რომ მოგანდომებს, სამწუხაროდ ამ ეტაპზე მარტო ფამუქის სტამბოლით უნდა დავტკბე.
მოლი ბლუმთანაც შევიარე და ძალიან მომეწონა! ფერადი გოგონაა! ❤
მიხარია თუ მოგინდა სტამბულის ქუჩებში ხეტიალი. ფამუქის სტამბული ლამაზია!
ძალიან მინდა სტამბულში წასვლა, ამ ზაფხულს ვგეგმავთ მეგობრები და იმედია, გამოგვივა. მას შემდეგ რაც ფამუქის რამდენიმე წიგნი წავიკითხე, კიდევ უფრო მომინდა სტამბულის მონახულება.
თუ მოახერხებ წასვლას რა კარგი იქნება. შენც და შენი მეგობრებიც ძალიან ისიამოვნებთ! ვაპირებ 5 დღიანი გეგმის დაპოსტვას, რომელიც მე და ჩემმა დეიდამ შევიმუშავეთ ერთობლივათ:) ზაფხულამდე მოგისწერებს:) თუმცა ინტერნეტშიც უამრავი გზამკვლევია რა თქმა უნდა.
მიხარია, თუ გამომივიდა დაინტერესება 🙂
დიდი მადლობა კიდევ ერთხელ!
მმმმმ, თურქულ ყავასავით მომაჯადოებელი და არომატული პოსტია 🙂
ძალიან მიხარია თუ მოგეწონააა. დიდი მადლობა<3
მომანდომე სტამბულის ნახვაც და ფახლავაც,ამ უკანასკნელს კი მივირთმევ დღესვე მაგრმ აი სტამბულს როდის მოვინახულებ არ ვიცი?!დიდი მადლობა ძალიან საინტერესო ბლოგი გაქვს.
ძალიან გამიხარდა რომ აღმოჩნდით ამ ბლოგზე და მოგეწონათ. მიხარია ასევე რომ სტამბულის ნახვის სურვილი გაგიღვიძეთ ამ პოსტით. აუცილებლად დაგეგმეთ მომავლისთვის რომ ესტუმროთ ამ ქალაქს. ფახლავას ეხლა მეც გეახლებოდით დიდი სიამოვნებით:)
5 dgiani gegma mindaaaaaaaaaaa:)
uh, zalian gemrieli da aromatuli postia, mikvars ase rom ceren – gemos rom grznob.(remarkze memarteba ase- kalvadosis gemos vgrznob pirshi) didi madloba