როგორ შევარჩიოთ ტონალური სხვადასხვა ტიპის სახის კანისთვის

ტონალური გვეხმარება რომ სახის კანი ერთ ფერზე დავსვათ, დავმალოთ სიწითლეები და ერთიანი გლუვი იერი  მივცეთ. თუ მას სწორად წავისმევთ სახეზე შედეგად უნდა მივიღოთ  ნაზი და ბუნებრივი სახის კანი. ტონალური მასკასავით სახეზე არავითარ შემთხვევაში არ უნდა გამოიყურებოდეს. ესე რომ არ მოხდეს, ამისთვის საჭიროა ვიცოდეთ ჩვენი სახის კანის ტიპი და მასზე დაყრდნობით გამოვიყენოთ სწორი მკვებავი საშუალება (იხილე პოსტი სახის კანის მოვლასთან დაკავშირებით) და ჩვენი ტიპის კანისთვის განკუთვნილი ტონალური.

ტექსტურის მიხედვით ტონალური იყოფა შემდეგ ტიპებად:

Tinted moisturizer

ეს არის სახის კრემი რომელსაც აქვს დამატებული ფერი.

ნორმალური, ნორმალურიდან სიმშრალისკენ მიდრეკილი სახის კანისთვის არის კარგი.  სახეზე მსუბუქად და თხლად ჯდება, შესაბამისად ვიღებთ ბუნებრივ “ლუქს”-ს. ტონალურის შემცვლელია.

Tinted face balm

ძალიან მშრალი კანისთვის. თხლად ჯდება სახეზე. ინტენსიურად კვებას და აძლევს გლუვ, ტენიან იერს სახის კანს. “face balm”-ი ნაოჭებს ნაკლებად ხილულს ხდის, რადგან ის სახის კანს “ბურცავს” და “ასწორებს”.

Stick foundation

ცხიმიანი სახის კანის გარდა ყველა ტიპისთვის მისაღებია. საშუალოდან მთლიანად ფარავს სახის კანს (ანუ მგ. Tinted moisturizer-სთან შედარებით უკეთ ფარავს სახეზე სიწითლეებს, გამონაყარს, ა.შ.) და ასევე იოლად შეიძლება მხოლოდ წერტილების დაფარვა.

Liquid foundation

მშრალი და ძალიან მშრალი კანისთვის. სახის კანს ატენიანებს და ხდის გლუვს. ფარავს საშუალოდან მთლიანად.

Oil-free liquid foundation

გამოიყენება ცხიმიანი (ან კომბინირებული კანისთვის ზაფხულის პერიოდში). ტონალური იწოვს ცხიმს, სახე არ პრიალებს. ფარავს მსუბუქად, საშუალოდ.

Oil-free cream foundation

ნორმალური, ცხიმიანი კანისთვის. იწოვს ცხიმს, ფარავს საშუალოდან მთლიანად. კარგია აკნე და დიდი ფორების დასაფარავად.

Whipped foundation

კომბინიერებული კანისთვის არის კარგი.  ატენიანებს მშრალ ნაწილებს და იწოვს ცხიმს T- ზონიდან.  ფარავს საშუალოდან მთლიანად.

როდესაც აარჩევთ სწორ ფორმულას შემდეგი ეტაპი სწორი ფერის არჩევაა. ტონალურმა სახის კანის ფერი არ უნდა შეცვალოს, არამედ უნდა შევარჩიოთ ზუსტად ის ფერი რომელიც წასმისას სრულიად “დაჯდება/გაქრება” სახის კანზე.

არ შეარჩიოთ ფერი ხელზე, არანედ პირდაპირ სახეზე დაიტანეთ. მოსინჯეთ რამდნეიმე ფერი.

შერჩევა უნდა მოხდეს დღის შუქზე. თუ შენობა ბნელია, აჯობებს თუ ფანჯარას მიუახლოვდებით ან გასასვლელ კარებთან შეამოწმებთ.

წყარო: ბობი ბრაუნის მაკიაჟის სახელმძღვანელო

Advertisements