იკითხეთ ფიტნესს ჟურნალები!

ვიცი, ძალიან ძნელია რეგულარული ვარჯიში, თან ეს სამსახურის, სამეცადინოს, მეგობრების და სხვადასხვა ღონისძიებების ფონზე, რომ არაფერი ვთქვათ ბევრს ვარჯიში საშინლად ეზარება კიდევაც. მეთვითონ ხან ძალიან მონდომების, ხან სიზარცმაცის ფაზებს განვიცდი. ვცდილობ თავი სხვადასხვა ხერხებით გავიხალისო. ერთერთი ხერხი რაც ამართლებს – ფიტნესის შესახებ საინტერესო სტატიების კითხვაა, რომლის გადაკითხვის მერე სურვილი მიჩნდება ეგრევე ჩავიცვა სპორტულები და სარბენად გავეშურო. სამწუხაროდ 5 კვირაა რაც სხვადასხვა მიზეზების გამო ამოვარდი ჩვეული ვარჯიშების რუტინიდან. სულ 2-3 ჯერ თუ ვიყავი სარბენად და სავარჯიშოდ. მაგრამ ზუსტად გუშინ ის დღე იყო,  რომ განვაახლე ვარჯიში და ზაფხულის მოახლოებასთან ერთად ყველა ხერხებით შევეცდები რომ ჩავარდნები აღარ მქონდეს.

 

სტატია რომელმაც გამამხნევა (და ასევე კარგ ფორმაში მყოფი ადამიანების სურათებმაც:) ჟურნალ Women’s Health- ის მარტის ნომერში დაიბეჭდა. ის ეხება იმას თუ რა არის კარგი, ცუდი თუ დასაშვები როცა ვარჯიშის დროს ვზარმაცობთ და ვცდილობთ რაღაც რაღაცეები გამოვტოვოთ. საბოლოოდ მე ეს სტატია სხვა კუთხით მომეწონა. ის ვარჯიშის ირგვლივ შექმნილ (არასწორ) წარმოდგენებს უღებს ბოლოს, რომელიც ბოლო პერიოდია ბევრისგან მოვისმინე და სურვილი მაქვს ამ მითებს ნათელი მოვფინო.

მაშასადამე,

მითი:  სირბილის დროს გაჩერება არ ვარგა/არ შეიძლება

სინამდვილეში: პატარა შესვენებები გეხმარებათ უფრო მეტი ირბინოთ და შესაბამისად მეტი კალორიები დაწვათ. ოღონდ 30 წუთიანი სირბილის დროს 3 ჯერზე მეტად ნუ გაჩერდებით, ისიც თითო ჯერზე 30-60 წამით მხოლოდ.

მითი: ვარჯიშის წინ აუცილებლად უნდა გააკეთო გაწელვები

სინამდვილეში: გამოკვლევებმა აჩვენებს რომ ვარჯიშის მერე გაწელვები უფრო უწყობს ხელს  ენერგიის მომატებას და ნაკლები დაზიანების მიღებას. თუ ვარჯიშის წინ გსურთ გახურდეთ, სტატიის მიხედვით საკმარისია რამდენიმე ვარჯიშის გაკეთება, როგორიცაა ხელების ტრიალი, ჩაკუზვები და ა.შ.

მითი: შეგიძლია გამოტოვო/ არ გააკეთო ქვედა სხეულის ვარჯიშები

სინამდვილეში: ეს ცუდი იდეაა. სირბილის ან სხვა კარდიო ვარჯიშის დროს ფეხის კუნთები კი ვარჯიშდება მაგრამ  მხოლოდ გარკვეული კუნთები და არა მთლიანად. ამისთვის დამატებითი ვარჯიშებია საჭირო. კვირაში ორჯერ განტელებით, სიმძიმეებით ვარჯიში ქვედა ან მთლიანი ტანისთვის რომ დაამატოთ, არ ინანებთ.

მითი: შეგიძლია გამოტოვო ბოლო 3 განმეორება

სინამდვილეში: ეს ცუდი იდეაა. ზუსტანდ ამ დროს ხდება კუნთების შეცვლა/ფორმირება და ვარჯიში წყალში არ უნდა ჩაყაროთ. სტატიის მიხედვით, ბოლო სამი განმეორების გაკეთება უნდა გვიძნელდებოდეს, მაგრამ არა ისე რომ  მისი გამოტოვების სურვილი გაგვიჩნდეს.

მითი: დაღლილი ხარ და მაინც გინდა  რომ ივარჯიშო

სინამდვილეში: თუ ცოთა გეძინათ, გადატვირტული დღე გქონდათ, საშინლად დაღლილი ხართ, მაშინ ნამდვილად აჯობებს თუ სახლში წახვალთ და გამოიძინებთ.  ერთ ერთმა კვლევამ აჩვენა რომ  დიეტაზე მყოფმა გამოუძინებელმა ადამიანებმა უფრო ნაკლები ცხიმი და მეტი კუნთოვანი მასა დაიკლეს (ჩვენ პირიქით გვინდა რომ მოხდეს) ვიდრე გამოძინებულებმა. ხოლო თუ უბრალოდ მოთენთილად, უხალისოდ, მძინარედ გრძნობთ თავს, მაშინ  მხოლოდ ნახევარი ვარჯიშები გააკეთეთ. ესე უფრო არ დაგეზარებათ სავარჯიშოდ წასვლა და შუა პროცესში შეიძლება მოხვიდეთ ხასიათზე და ბოლომდე მიიყვანოთ  კიდევაც ვარჯიში. თუ არადა, ნახევარიც ითვლება.

მითი: თითო ვარჯიშზე მხოლოდ სხეულის მხოლოდ 2 ნაწილი უნდა ავარჯიშოთ.

სინამდვილეში: რაც მეტ სხვადასხვა კუნთის ვარჯიშებს ჩართავთ, მით  უფრო მეტ კალორიას დაწვავთ (როგორც ვარჯიშის დროს და ასევე ვარჯიშის მერეც) და გაზრდით ნივთიერებათა ცვლას.

წარმატებები.

იკითხეთ ფიტნესს ჟურნალები!