New Year, New Skin

სახის კანის მოვლა სერიოზული პროცესია, რომელიც არა მარტო სახეზე კრემის წასმას გულისხმობს, არამედ მოიცავს სწორ კვებას, სახის კანის ცოდნას, სწორი პროდუქტების არჩევას და მათ სწორად გამოყენებას. თუ რა საკვებია საჭირო გლუვი სახისთვის ნახეთ ჩემი ადრეული პოსტი სახის კანის მოვლის პირველი ნაწილი, ხოლო კანის ტიპის ამოსაცნობად და შესაბამისი რეჟიმის შეთავსებით მეორე ნაწილი მოინახულეთ.

ვფიქრობ რომ დროა ჩემი სახის კანის მოვლა ცოტა გავართულო. 20+ ასაკთან ერთად ნაოჭები იწყებს თავის გამოჩენას, სახეს დაღლილი, არანათელი ელფერი აქვს, თვალების ქვეშ მუქი რგოლები შესამჩნევი ხდება. რა თქმა უნდა მაკიაჟი ამ ყველაფერს მშვენივრად ფარავს, მაგრამ ეს არ არის გამოსავალი. ჩემი წლევანდელი მიზანია სახის კანს საკმარისი დრო დავუთმო და მაკიაჟის გარეშეც სახის კანი იყოს ჯანსაღი, გლუვი და ნათელი.

უზომოდ მოხარული ვარ რომ ახალ წელზე ჩემმა უსაყვარლესმა დეიდამ არაჩვეულებრივი საჩუქარი გამიკეთეა. ეს არის სახის დასაბანი ხელსაწყო Mia Clarisonic-ისგან.

ClarisonicMia1white

დასაბანი ჯოხის თავი ტრიალებს სწრაფად და კარგად ასუფთავებს სახის კანს. ფორები უფრო პატარად ჩანს და სახეს ბევრად უფრო ჯანსაღი იერი აქვს ყოველი დაბანის შემდეგ. კრემებიც უფრო კარგად აითვისება კანის მიერ. ერთი სიტყვით ამაზე უკეთესს ვერაფერს ვინატრებდი.

Mia ძალიან კარგი დასაწყისია სახის მოვლისთვის, მაგრამ საკმარისი ნამდვილად არ არის. გადავწყვიტე აზიელი ქალბატონების მაგალითზე მეც დავამატო სახის მოვლის რამდენიმე ეტაპი. ცნობილია რომ აზიელებს ძალიან კარგი სახის კანი აქვთ და სჯობს მათ დავუჯერო და მივბაძო. თურმე აზიელი ქალბატონი საშუალოდ 6-9 სახის კანის მოვლის საშუალებას იყენებს ერთ წასმაზე, აქედან რამდენიმე სახის სერუმს, ნაოჭების წინააღმდეგ კრემს და დამატენიანებელს. 6-9 შეიძლება მართლაც და ბევრია მაგრამ დროა მეც ჩავრთო სერუმები ჩემს რეჟიმში.

ბოლო პერიოდია ბერძნული ფირმის Korres-ის ბროწეულის სახის კრემს ვხმარობ, რომელიც ძალიან მომიხდა. მას აქვს ხავერდოვან-ჟელეს ტიპის სტრუქტრუა და არის ზუსტად რომ კომბინირებული კანისთვის განკუთვნილი.

ვარდის წყლის და ზეთების დადებითი თვისებებით შტაგონებულმა არ დავაყოვნე და ამ ფირმის სხვადასხვა დამატებითი საშუალებები გამოვიწერე.

PhotoGrid_1359337652392

1. ვარდის და C ვიტამინის ძილის წინ წასასმელი სახის კრემ-მასკა

2. ვარდის თვალის სერუმი

3. ვარდის სახის დასაბანი საშუალება

cliniqueserumკლინიკის სერუმი, რომელმაც სახის მკვდარი უჯრედების ახლებით ჩაანაცვლების პროცესს უნდა შეუწყოს ხელი და შესაბამისად ხანი უფრო ცოცხალი, ახალგაზრდა და ნათელი უნდ გახადოს.

რუტინა კი შემდეგნაირი იქნება:

1) სახის დაბანა Mia-თი

2) ტონერი, რომელიც აღადგენს სახის ph- ბალანსს და ჭუჭყს/მაკიაჟს უკეთ აცილებს. ტონერები შეიცავენ ისეთ ინგრედიენტებს რაც კარგია სახის კანისთვის. ვარდის წყალი მაგალითად – ატენიანებს სახის კანს, კიტრის- ამცირებს ფორებს და ჭიმავს კანს.

3) ტონერის შემდეგ გადავალ სერუმზე, რომელიც კრემისგან განსხვავებით უფრო თხევადია და შესაბამისად კრემის წასვლამდე უნდა დავიტანოთ სახეზე. სასურველია ჯერ თითებზე დავისხათ, ცოტა გავათბოთ თითებით და შემდეგ ხელის თათუნის მოძრაობით წავისვათ სახეზე.

4) დადგა თვალის კრემის დროც. არათითით ნაზად იტანება თვალზე და თვალის ქვემოთ.

5) ნებისმიერი დამატენიანებელი სახის კრემი.

იყენებთ სერუმებს? სახის კანს როგორ უვლით?

 

 

 

 

 

Advertisements